按：黄翠凤未免有些秘密闲话要和钱子刚说，争奈诸金花坐在一傍，可厌已甚。翠凤眼睁睁看他半日，不禁好笑，问道：“耐坐来浪做啥？”金花道：“钱大少爷喊我上来个呀。”

翠凤方才会意，却叹口气道：“钱大少爷喊耐上来末，替耐做媒人呀，耐阿晓得嗄？”金花茫然道：“钱大少爷勿曾说唍。”

翠凤冷笑道：“也好哉！”子刚连忙摇手道：“耐要勿怪俚。

高亚自个脾气，我原说勿对个，一歇歇坐勿定，教俚也无处去应酬。”翠凤别转脸道：“要是我个讨人像实概样式，定归一记拗杀仔拉倒！”子刚婉言道：“耐要教教俚个喤，俚坎坎出来，勿曾做歇生意末，陆里会嗄？”

翠凤从鼻子里叹出一声道：“看仔倪娘姨要打俚乃末，好像作孽；陆里晓得打过仔，随便搭俚去说啥闲话，俚总归勿听耐个哉，耐说阿要讨气！”金花忙答道：“阿姐说个闲话，我才记好来里。要慢慢交学起来个呀，阿对嗄？”翠凤倒又笑而问道：“耐来浪学啥嗄？”金花堵住口说不出，子刚亦自粲然。

翠凤吸过两口水烟，慢慢的向子刚道：“俚个人生来是贱坯。俚见仔打末也怕个，价末耐巴结点个喤；碰着俚哉吨，说一声动一动。”说着转向金花道：“我搭耐说仔罢，照实概样式，好好交要打两转得喤！”金花听说，呜咽饮泣，不敢出声。

翠凤却也有些怜惜之心，复叹口气道：“耐做讨人还算耐运气，碰着仔倪个无娒，耐去试试看！珠凤比仔耐再要乖点，要勿说啥打两记，缠缠脚末，脚指头就沓脱仔三只！”金花仍一声儿不言语。

翠凤且自吸水烟，良久，又向子刚道：“论起来，俚哚做老鸨该仔倪讨人，要倪做生意来吃饭个呀；倪生意勿会做，俚哚阿要饿煞？生来要打哉唍。倪生意好仔点，俚哚阿敢打嗄？

Loading...

未加载完，尝试【刷新】or【退出阅读模式】or【关闭广告屏蔽】。

尝试更换【Firefox浏览器】or【Chrome谷歌浏览器】打开多多收藏！

移动流量偶尔打不开，可以切换电信、联通、Wifi。

收藏网址：www.dd123.cc

(＞人＜；)